بقلم: المهندس مدحت الخطيب
بعيداً عن الضجيج الإعلامي والصخب السياسي ،وحتَّى الثرثرة الَّتي تتمثل في ندوات لَا حصر لها، بعيدا عن الثقافة، عن الفن ، بعيدا عن ازمة الدجاج الفاسد،عن المبيدات الحشرية الزائدة على الخُضْرَوات والفَواكِهُ ، بعيداً ازمة “أوبر وكريم”عن الشيخة موزة وقطر،بعيدا عن محمد بن سلمان وبشار واليمن، بعيداًعن حَدْباء الموصل، وبعيدا عن حفل ليلى، بعيدا عن ابن الشاعِر الشَهِيد وابن الرَئيس الحَبِيب، بعيدا عن الدُنْيا ومن فيها..
اِلْتَقَيْتُ بالعم أبو سامي جالسا على أدراج المَسْجِد يهمُّ بالخروج.. مُتَذَمِّراً مِنَ الإِعْيَاءِ وَالتَّعَبِ من كثر (الفتيش)الذي يهز مسامع المصلين ..تلك القنابل التي تتدحرج على مداخل المسجد وبين صفوف المصلين..فلا صلاة كسبنا ولا اخلاق تعلمنا وعلمنا..
لمن لا يعرف أبو سامي فهو عنوان المقال الدائم ،هو لسان حال المواطن، رمز الاصالة والمواطنة الصادقة دون نفاق اوتصنع
حالةٌ كحال الكثيرمن الأردنيين يقاتل على كل الجبهات، فمطالب المدارس والعيديات والبيت و الأكل والشرب تكاد لا تنتهى، اِلْتَقَيْتُ به على غير ميعاد فقد جمعنا القدر سوياً مرة آخرى يقال وكان لنا هذا الحديث،
أنا:- يسعد اوقاتك ابو سامي زمان هل قمر ما بان طمنا عنك وعن احوالك وعن الاولاد..
أبو سامي :- الحمد لله كلنا بخير هيها داحله، ما ضل اشي بلاش غير العمى والطراش عموه.. هاي سامي صارابو عيال، والبنت الثانية الله يسرالها ابن حلال، وما ضل عندي غير بنت (وقريد هل عش) صار طولك لا والله طول اخوك الكبير..
انا:- ههههههه الله يخليلك اياهم يارب ويفرحك فيهم..
ابو سامي:- اهلين ..اهلين عمي ،دخلك انت شو جايبك تصلي هون من عمان ،
انا:- منت عارف طقوس رمضان اما عازم او معزوم ،اليوم انا معزوم عند جارك ابو عقاب مهو ابنه صاحبي..
ابوسامي:- ابو عقاب ما غيره (ابو اللبن) وانا اقول مالُه من الصبح وهو يشاقط ، ويحكي مع حاله ،والله عموه مافي احسن من رمضان ولمة الأحبابِ والأصحاب ، بس الي بجلطك مَزّاج بعض الناس ،بدهم أخصائية تغذية تا تحلل طلباتهم ، سنة بوكل دجاح وما بوكل لحم،وسنة بوكل لحم بدون دهن(لحم مشفى زي البفته) ،مره بحب العصير بارد زي الثلج،ومره بحبه سخن خايف تنزل لوزه قبل العيد ، مره بحب القطايف العصافيري ،ومره بحبها كبيرة وبجوز.. والاهم من هاض كله ، والي بخليك تطق بكون ماكل نص المنسف ويا دوب قادر يقوم ( يتدحدل تدحدل تا يغسل ) ، وثاني يوم بمضيها مكشرويبرطم على نسايبه ، ،
انا:- هههه والله انك صادق بس هاي طقوس رمضان وكله اجر ان شاء الله،
ابو سامي:- مش قايلين اشي رمضان.. رمضان وكله اجر صحيح ، بس يا رجل فوق الواحد ما بندان وانت عارف مافي حد ينقط بحلقنا من الاولاد ،والحكومة عظم الله اجرنا فيها .. بدها كلمة شكرا، أي غلبناكم، ليش مكلفين حالكم؟ ، عموه رمضان سلف ودين انت بتعزم وبتنعزم زي ما بتقدم بدك تلاقي.. عموه في ناس ما احلاهم وهم ضُيوفٍ وما ابخسهم وهم معزبين ..
انا:- والله انك صادق عموه ..بس هاي حال الدنيا اصابع اديك مش زي بعض
ابو سامي:- ايوه انتو جيل اليوم شغل أعذار..وصار يغني
صبري فرغ يا جميل والنفس منعاني
هو اللى متربى .. على العز ياربى .. يعمل كده فىّه
واشوفُه اندهلُه .. واسوق على اهلُه .. بالالف والميّه
واستنى واقول آه .. آه آه آه
وامسك على الـ آه .. آه آه آه